चितवन। चितवनमा आज सोमबार बिहान ८ बजे सर्वदलीय बैठकपछि मतगणना सुरु हुने भएको छ । मतदान सकिएसँगै हिजो आइतबार बैठक बस्ने भनिए पनि सर्वदलीय बैठकमा सिडिओ र जिल्लाका प्रहरी प्रमुख नआएपछि दलका प्रतिनिधिहरु मतगणनास्थलबाट बाहिरिएका थिए ।
चितवन-२ का सबै मतपेटिका मतगणनास्थल भरतपुरस्थित दूरसञ्चार राेडमा रहेकाे चितवन उद्याेग संघकाे प्रदर्शनी केन्द्रमा आइतबार राती ९ बजे नै ल्याइएको थियो । ४३ मतदानस्थलका १३८ मतदान केन्द्रका मतपेटिकाहरू भरतपुर गणना स्थलमा ल्याउने काम रातको ९ बजेनै सकिएकाे सहायक निर्वाचन अधिकृत इश्वर आचार्यले जानकारी दिए ।
कुल १ लाख २४ हजार ६९५ मतदाता रहेकाे चितवन-२ मा आइतबार भएकाे मतदानमा ७८ हजार २७७ मत खसेकाे प्रारम्भिक विवरण आएकाे आचार्यले बताए । मंसिर ४ काे निर्वाचनमा ८४ हजारभन्दा बढी मत खसेकाे थियाे ।
सम्बन्धित खवर
