पाल्पा, २४ जेठ । नेकपा एमाले तानसेन नगर कमिटीले आगामी आर्थिक वर्षको बजेटमा विभिन्न माग गर्दै बुधबार तानसेन नगरपालिकालाई ध्यानाकर्षण गराएको छ । नगर कमिटीका अध्यक्ष गुराँस आत्रेयका् नेतृत्वमा गएको टोलीले १८ बुँदे मागसहित नगर प्रमुख सन्तोषलाल श्रेष्ठको ध्यानार्षण पत्र बुझाउनुभएको हो ।
वडा कार्यालयहरूलाई दिएको बजेट सिलिङ गत वर्षको भन्दा बढाउनु पर्ने, एक वडा एक किलोमिटर मोटरबाटो कालोपत्रे गर्ने कार्यक्रमलाई निरन्तरता दिनुपर्ने, नगरपालिकाभित्र रहेका मोटर बाटोमा ग्राभेल गरी बाहै्र महिना गाडी चल्ने व्यवस्था गर्नुपर्ने, कृषि र पशुपालनलाई उत्पादनमुखी र व्यवसायिक बनाउनुपर्ने, वन्यजन्तु व्यवस्थापनको ठोस योजना ल्याउनु पर्ने र कृषि उत्पादनमा आधारित अनुदानको व्यवस्था गर्नुपर्ने माग गरेको अध्यक्ष आत्रेयले बताउनुभयो ।
उहाँकाअनुसार कृषि, भेटेनरी सेवा गाउँगाउँ, टोलटोलमा पु¥याउनुपर्ने, पर्यटन क्षेत्रको विकासका लागि पूर्वाधार विकास, तानसेन सौन्दर्यीकरण र व्यवस्थापनका लागि योजना बनाउन भनिएको छ ।
श्रीनगरडाँडा, पाल्पा दरबार परिसर, रानीमहल, प्रभास क्षेत्र, रुरु क्षेत्र, रानीमहल, गुफाचौर, माण्डव्य सरोवर क्षेत्र, कुहिरेभीर लगायतकका पर्यटकीय क्षेत्रको थप विकासका लागि विशेष बजेट विनियोजन गर्न माग गरेको गरिएको उहाँले बताउनुभयो ।
यस्तै नारायणस्थान, भगवतीस्थानसहितका मन्दिरमा नियमित दिनभर दर्शन र पूजा गर्ने वातावरण मिलाउन भनिएको छ। तानसेन प्रवेश गर्दा फोहर पानी र दुर्गन्धसहितको अवस्थालाई सुधार गरी वनदेवीको अव्यवस्थित फोहोर र होलाङ्गदी ढल व्यवस्थापन र तानसेन बजारको फोहोर व्यवस्थापन गर्नुपर्ने, सबै स्वास्थ्य चौकीहरूमा औषधीको प्रयाप्त व्यवस्था गर्नुुपर्ने, निजी तथा सामुदायिक विद्यालयको शिक्षामा सुधार गर्नुपर्ने, विद्यालय अनुगमन र नियमन गरी गुणस्तरीय शिक्षाको लागि बजेट विनियोजन गर्नुपर्ने, तानसेनका सबै क्षेत्रमा खानेपानी सुविधा उपलब्ध गराउनुपर्ने, लिफ्टिङ खानेपानी योजनाको विद्युत महशुल निशुल्क गर्नुपर्ने, तानसेनमा नियमित विद्युत व्यवस्थापनमा पहल गर्नुपर्ने, शहरी क्षेत्रको घरहरूमा इन्सुलेटरवाला कालो तारको व्यवस्था हुनुपर्ने, काठका पोल विस्थापन गर्नुपर्ने लगायतका मागसहित ध्यानआकर्षण पत्र बुझएको अध्यक्ष आत्रेयले बताउनुभयो ।
योजना सम्झौता, भुक्तानी लगायतका सबै काम वडा कार्यालयबाट नै हुने व्यवस्था मिलाउनुपर्ने, तानसेनमा राष्ट्रियस्तरको प्रतियोगिता आयोजना र प्रत्येक वडाबाट प्रतिभावान खेलाडीको उत्पादनको लागि खेलकुद क्षेत्रमा प्रर्याप्त बजेट विनियोजन गर्नुपर्ने, वडा तथा केन्द्रहरूमा खुल्ला व्यायामशाला, कभर्डहल निर्माण लगायतका कार्यक्रम राख्नुपर्ने, सुशासन प्रवद्र्धन गर्न बजेट पुस्तिका प्रकाशन, सार्वजनिक सुनुवाई, खर्चको पारदर्शीता अवलम्बन गरी जवाफदेही सरकारको व्यवस्था गर्ने, सबै प्रकारका चुहावट रोक्नु पर्ने, अनुत्पादक क्षेत्रका प्रशासनिक खर्च कटौती गर्नुपर्ने, समिति उपसमितिका नामका बैठक भत्ता, इन्धनलगायतका खर्चलाई कटौती गरी सुशासनयुक्त सरकार बनाउनुपर्ने माग गरिएको छ ।
यस्तै बजारक्षेत्रमा व्यवस्थित पार्किङ गर्ने स्थान बनाउनुपर्ने र प्रत्येक क्षेत्रमा उठाइने पार्किङ शुल्क हटाउनु पर्ने साथै ट्राफिक व्यवस्थापन गर्नुपर्ने, आन्तरिक राजश्व वृृद्धि गर्न राजश्वका दर नभई क्षेत्र बिस्तार गर्नुपर्ने, सुविधा सम्पन्न बसपार्क, सभाहल निर्माणका लागि बजेट विनियोजन गर्नुपर्ने र तानसेनको व्यापारिक गतिविधिले निरास अवस्थामा रहेका व्यापारी र निमार्ण व्यवसायीलाई प्रोत्साहित हुने गरी कार्यक्रम र बजेटको व्यवस्था मिलाउन भनिएको छ ।
नगर प्रमुख सन्तोषलाल श्रेष्ठले नगरपालिकाले आगामी आर्थिक वर्षको बजेटमा यी मागलाई प्राथमिकतामा राख्ने बताउनुभयो ।
सम्बन्धित खवर
