गुल्मी। गुल्मीको चन्द्रकोट गाउँपालिकामा स्कुटर दुर्घटनामा परेर दुई जनाको मृत्यु भएको छ । गुल्मीको मजुवाबाट चोरकाटेतर्फ जाने क्रममा लु १७ प १६४४ नम्बरको स्कुटी चन्द्रकोट–७ च्यूरेनी भीरमा बिहीबार भएको दुर्घटनामा दुई जनाको मृत्यु भएको हो ।
जिल्ला प्रहरी कार्यालयका प्रहरी नायव उपरीक्षक शंकर पोखरेलका अनुसार दुर्घटनामा चन्द्रकोट गाउँपालिका–६ हरेवाका ३८ वर्षीय किरणबहादुर थापा र ३२ वर्षका विनोद सुनारको मृत्यु भएको हो ।
दुर्घटनामा स्कुटर सडकदेखि ५० मिटर तल बडिघाट खोलामा खसेको चन्द्रकोटका अध्यक्ष युवराज खत्रीले बताउनुभयो । । पालिका अध्यक्ष खत्रीसहित स्थानीयले तत्काल उद्धार गरेर खैरनीस्थित प्राथमिक स्वास्थ्य केन्द्रमा पु¥याए पनि डाक्टरले दुवै जनालाई मृत घोषणा गरेका थिए ।
सम्बन्धित खवर
