तानसेन। रिब्दीकोट गाउँपालिका पाल्पाले गाउँपालिकामा टनेल खेती प्रवर्द्धन सम्बन्धी अभिमुखिकरण, कृषकहरूलाई टनेल खेतीको महत्त्व, प्रविधि, लाभ, र व्यवहारिक पक्षहरूबारे जानकारी गराउन टनेल निर्माण तथा टनेलभित्र तरकारी खेती प्रवर्द्धनू सम्बन्धी अभिमुखिकरण कार्यक्रम सम्पन्न गरेको छ ।
गाउँपालिकाको आयोजना, हेफर प्रोजेक्ट नेपालको आर्थिक सहयोग, र ग्रामीण आर्थिक विकास संघको प्राविधिक समर्थनमा ,वडा नं २ का वडा अध्यक्ष ओम प्रसाद पोखरेलको अध्यक्षतामा टनेल खेती प्रवर्द्धन सम्बन्धी अभिमुखिकरण सम्पन्न भएको हो ।
कार्यक्रमका प्रमुख अतिथि गाउँपालिका अध्यक्ष नारायण बहादुर कार्की रहनु भएको थियो । त्यस्तै कार्यक्रममा प्रमुख प्रशासकीय अधिकृत मणि प्रसाद खनाल, निवर्तमान गाउँपालिका अध्यक्ष नारायण बहादुर जीसी,वडा अध्यक्षहरू, कार्यपालिका सदस्यहरू, सम्बन्धित शाखाका कर्मचारी, तथा टनेल निर्माण सम्पन्न गरिसकेका र आगामी टनेल निर्माणका लागि छनोट भएका कृषकहरूको उपस्थिति रहेको थियो ।
कार्यक्रमका प्रमुख अतिथि नारायण बहादुर कार्कीले “गाउँपालिकामा टनेल खेती प्रवर्द्धन सम्बन्धी अभिमुखिकरण” कार्यक्रमको उद्देश्य गाउँस्तरीय कृषकहरूलाई टनेल खेतीको महत्त्व, प्रविधि, लाभ, र व्यवहारिक पक्षहरूबारे जानकारी भएको थियो । यस्तो कार्यक्रमले स्थानीय तहमा कृषि उत्पादन वृद्धि गर्न, आधुनिक खेतीप्रति कृषकको रुचि बढाउन र उनीहरूलाई आर्थिक रूपमा सशक्त बनाउने आधार सिर्जना गर्न मद्दत पुर्याउँछ कार्कीले भन्नुभयो । उहाँले कृषि क्षेत्रको दीगो विकासका लागि गाउँपालिकाले निरन्तर कार्य गर्दै जाने प्रतिबद्धता पनि व्यक्त गर्नुभयो ।
कार्यक्रमका वक्ताहरूले टनेल खेतीको सम्भावना र फाइदाबारे विशेष जोड दिनुभएको थियो । गाउँपालिकाले स्थानीय कृषकहरूलाई सशक्त बनाउन र आधुनिक कृषि प्रणालीलाई प्रवर्द्धन गर्न निरन्तर काम गर्ने योजना बनाएको छ । यसअन्तर्गत, टनेल खेतीको विस्तारका लागि आर्थिक र प्राविधिक सहयोगलाई निरन्तरता दिने, कृषकहरूलाई तालिम प्रदान गर्ने र आवश्यकताअनुसार प्राविधिक विशेषज्ञ उपलब्ध गराउने कार्यमा विशेष ध्यान दिइने गाउँपालिकाले जनाएको छ ।
टनेल खेती आधुनिक कृषि प्रविधि भएकाले मौसमको प्रतिकूल असरलाई न्यूनीकरण गर्दै खेतीलाई प्रभावकारी बनाउँने र यस प्रविधिमा फलफूल, तरकारी, फूल तथा अन्य उच्च मूल्यका बालीहरूलाई प्लास्टिकले ढाकिएको टनेलभित्र उत्पादन गर्न सकिने प्रमुख प्रशासकीय अधिकृत मणि प्रसाद खनालले बताउनुभयो ।।
रिब्दीकोट गाउँपालिका पाल्पाले “कृषि प्रणालीलाई समय सापेक्ष बनाउन आधुनिक प्रविधि र ज्ञानको प्रयोगलाई प्रोत्साहन गरिरहेको गाउँपालिकाले जनाएको छ ।
सम्बन्धित खवर
