तानसेन- पाल्पाको रिब्दीकोट गाउँपालिका वडा न ३ मा दुहुना गाई भैँसीलाई पाल्ने किसानहरुलाई पोषण दाना वितरण गरीएको छ । गाउँपालिकालाई पशुपालनको माध्यमबाट दूध तथा दुग्ध जन्य प्रदार्थमा आत्मनिर्भर बनाउने उद्देश्यले पोषण वितरण गरीएको गाउँपालिकाले जनाएको छ ।
गाउँपालिकाको स्वीकृत पशु पोषण दाना किसानसँग साझेदारी कार्यक्रम अन्तर्गत वडा न ३ का दुहुना गाई भैँसी पालक किसानहरुलाई पोषण दाना वितरण गरीएको हो ।
कार्यक्रमको उद्घाटन गदै गाउँपालिकाका अध्यक्ष एंवम प्रमुख अतिथि नारायण बहादुर कार्कीले कृत्रिम गर्भाधानबाट गाई भैँसीको नश्ल सुधार गरी उत्पादन बढाउन सहयोग होस भनि पोषण वितरण गरीएको बताउनु भयो । दूध,उत्पादनमा वृद्धि तथा दुघ तथा दुग्घ जन्य प्रदार्थमा आत्मनिर्भर बनाउन र गाईभैसी पकेट क्षेत्र बनाएर अगाडी बढन कार्यक्रमले सञ्चालन गरेका कार्कीको भनाई छ । उहाँले कृषकहरूलाई परम्परागत कृषि प्रणालीमा मात्र आश्रित नभई, समयअनुसार परिवर्तनशील बन्न र व्यावसायिक कृषिको अभ्यास गर्न प्रेरित गर्नुभयो । गाउँपालिकाले कृषकहरूको आवश्यकतालाई सदैव प्राथमिकतामा राख्दै आएको र आगामी दिनहरूमा पनि यस्ता कार्यक्रम निरन्तरता दिइने बताउनुभयो ।
पालिका तथा वडा स्तरमा गरिएका यस्ता कार्यक्रमहरूले स्थानीय कृषकहरूलाई आत्मनिर्भर बनाउन सहयोग पुर्याउने मात्र नभई, उनीहरूको आर्थिक अवस्थालाई सबल बनाउने दिशामा समेत योगदान दिने विश्वास लिइएको वडा अध्यक्ष नारायण बहादुर केसीले बताउनुभयो ।
कार्यक्रमले दुग्ध उत्पादन व्यवसायमा संलग्न कृषकहरूको लागि विशेष महत्व राखेको छ । कार्यक्रममा ५८ जना कृषकहरूलाई प्रति कृषक ६० किलोग्रामका दरले मकै वितरण गरिएको छ । मकै पोषणको राम्रो स्रोत भएकाले यसले दुग्ध उत्पादनमा गुणात्मक सुधार ल्याउने अपेक्षा गरिएको छ ।
कार्यक्रम वडा न ३ का अध्यक्ष नारायण बहादुर केसीको अध्यक्षयता,गाउँपालिकाका अध्यक्ष नारायण बहादुर कार्कीको प्रमुख अतिथि तथा नि प्रमुख प्रशासकिय अधिकृत काशीनाथ आर्चायको विशिष्ट अतिथि,जनप्रतिनिधिहरू, स्थानीय कृषकहरू र विभिन्न सरोकारवाला निकायका प्रतिनिधिहरूको उपस्थिति रहेको गाउँपालिकाले जनाएको छ ।
सम्बन्धित खवर
