पाल्पा, भुवनपोखरी – पाल्पाको रैनादेवी छहरा गाउँपालिकाले भुवनपोखरीमा आगलागीबाट प्रभावित परिवारलाई खाद्यान्न, लत्ताकपडा, भाँडाकुँडा तथा अन्य आवश्यक सामग्री वितरण गरेको छ। गाउँपालिकाको समन्वयमा जनप्रतिनिधि,स्थानीय , सुरक्षाकर्मी तथा समाजसेवीहरूको सहकार्यमा पीडितहरूलाई आपतकालीन राहत उपलब्ध गराइएको हो।
वडा नम्बर ३, भुवनपोखरीको छचुवा कुमाल बस्तीमा भएको आगलागीले ६ घरगोठ जलेर पूर्ण रूपमा नष्ट भएको थियो । आगलागीले घरबारविहिन भएका परिवार अहिले अस्थायी त्रिपालमुनि बस्न बाध्य छन् ।
आगलागी पछि गाउँपालिका अध्यक्ष रुक्मागत भट्टराई घटनास्थल पुगेर राहत वितरण गर्ने एक प्रमुख अग्रसरता देखाउनु भएको छ । राहत सामग्री लिएर पीडित परिवारका घरसम्म पुग्नु भएका गाउँपालिका अध्यक्ष भट्टराईले पीडितहरूको सान्त्वना दिनुभयाे । उहाले भन्नुभयाे, “यो एक गम्भीर संकट हो र यसै कारण हामी सबैको साथ र सहयोग आवश्यक छ । यस दुखद घडीमा स्थानीय सरकार तपाईहरूको साथमा छ अध्यक्ष भट्टराई बताउनुभयो । गाउँपालिकाले सकेसम्मको राहत प्रदान गरेका छ र स्थायी पुनःस्थापनाका लागि पनि पहल गर्ने बताउनुभयो ।
भुवनपोखरीको कुमाल बस्तीमा भएको आगलागीले ६ घर र गोठहरूलाई पूर्ण रूपमा नष्ट भएको थियो । अागलागीले खाद्यान्न, लत्ताकपडा, भाँडाकुँडा, र घरका अन्य सामान सबै जलेर नष्ट भएका थिए । पीडितहरूका अनुसार , ” दुःखकाे घडीमा गाउँपालिकाले गरेको सहयोगले राहत मिलेकाे बताउनुभयाे ।
गाउँपालिका अध्यक्ष रुक्मागत भट्टराईले आगलागी प्रभावित परिवारलाई चामल, दाल, तेल, नुन, लत्ताकपडा र त्रिपाल जस्ता राहत सामग्री उपलब्ध गराउनु भएको छ । राहत वितरण कार्यक्रमलाई सम्बोधन गर्दै अध्यक्ष भट्टराईले स्थानीय सरकारको तर्फबाट पीडितलाई प्रारम्भिक राहत दिइएको बताउनुभयो । आगलागी पीडित परिवारहरूको पुनःस्थापना र घर निर्माणको विषयमा गाउँपालिकाले गंभीर पहल थाल्ने बताउनुभयो ।
वडा अध्यक्ष प्रदीप पौडेलले भने, ” टिनको व्यवस्था गरेर पीडित परिवारका लागि घरबास बनाउने कार्यकाे शुरूवात गर्ने बताउनुभएको छ । यसका साथै, प्रहरीसँग सहकार्य गरि मुजुल्का तयारी गरि घरहरू छिटो बनाइने बताउनुभयो ।
राहत वितरण कार्यक्रममा गाउँपालिका अध्यक्ष, जनप्रतिनिधि, स्थानीय समाजसेवी तथा सुरक्षाकर्मीहरूको उपस्थिति थियो।
गाउँपालिका अध्यक्ष रुक्मागत भट्टराईले आगलागीबाट प्रभावित परिवारहरूको पुर्नस्थापनाका लागि थप राहतको व्यवस्था गर्ने प्रतिबद्धता व्यक्त गर्दै प्रदेश तथा संघीय सरकारसँग समेत सहयोगको अपिल गर्नुभएको छ ।
स्थानीय बासिन्दाले गाउँपालिकाको पहलप्रति आभार व्यक्त गर्दै दीर्घकालीन पुनःस्थापनाका लागि थप सहयोगको आवश्यकता रहेको बताएका छन्। साथै, आगलागी न्यूनीकरणका लागि आवश्यक सचेतना कार्यक्रम तथा पूर्वाधार सुधारको माग समेत गरेका छन्।
गाउँपालिकाले आगामी दिनमा पीडित परिवारहरूलाई थप आर्थिक सहायता तथा अस्थायी आवास निर्माणका लागि सहयोग गर्ने जनाएको छ।
सम्बन्धित खवर
