पाल्पा, नेपाली कांग्रेस पाल्पा जिल्ला सभापति हिमाल दत्त श्रेष्ठले पार्टीको संगठनलाई बलियो बनाउन तथा गतिविधिहरूलाई व्यवस्थित गर्न केन्द्रले पनि वार्षिक क्यालेन्डर तयार गर्नुपर्ने बताएका छन्।
कार्यक्रका बोल्दै सभापति श्रेष्ठले पार्टीको कार्यसम्पादनलाई प्रभावकारी बनाउन योजनाबद्ध रूपमा अघि बढ्न आवश्यक रहेको बताएका हुन। उनले भने, “जिल्लाले आफ्नो वार्षिक क्यालेन्डर बनाई पार्टी गतिविधिलाई नियमित र सक्रिय बनाइरहेको छ। यदि केन्द्रले पनि यस्तै योजना बनाएर अगाडि बढ्यो भने संगठन झनै सशक्त र प्रभावकारी हुनेछ।”
श्रेष्ठले पार्टीलाई जनतासँग अझ नजिक पुर्याउन र संगठनलाई बलियो बनाउने उद्देश्यले पार्टीका गतिविधिहरू नियमित तथा योजनाबद्ध रूपमा सञ्चालन गर्नुपर्ने बताए। उनले स्थानीय तहदेखि केन्द्रीय तहसम्म समन्वय गर्दै कार्ययोजनालाई व्यवस्थित गर्नुपर्ने आवश्यकतामा जोड दिएका थिए ।
नियमित कार्यक्रम र संगठन सुदृढीकरणमा जोड
कांग्रेस सभापति श्रेष्ठले पार्टीका गतिविधिहरू निर्वाचन केन्द्रित मात्र नभई निरन्तर सञ्चालन हुने गरी योजना बनाउनुपर्ने बताए। उनले संगठनलाई बलियो बनाउन जनसम्पर्क, प्रशिक्षण, अन्तरक्रिया, समीक्षा बैठक तथा अन्य कार्यक्रमहरूलाई नियमित बनाउनुपर्नेमा जोड दिए।उनले थपे, “पार्टीलाई व्यवस्थित र प्रभावकारी बनाउने हो भने समयानुकूल नीति, नेतृत्व विकास, संगठन विस्तार र कार्यकर्ताको भूमिका सुनिश्चित हुनुपर्छ। त्यसका लागि वार्षिक कार्ययोजना अनिवार्य छ।”
युवालाई नेतृत्वमा अवसर दिनुपर्ने
श्रेष्ठले पार्टीमा युवाहरूलाई नेतृत्व विकासको अवसर दिनुपर्ने आवश्यकता औंल्याउँदै कांग्रेसको संगठनलाई समयानुकूल सुधार गर्दै लैजानुपर्ने बताए। उनले अनुभवी नेतृत्व र नयाँ पुस्ताबीच समन्वय गर्दै संगठन विस्तार र नीति निर्माण गर्नुपर्ने धारणा राखे।
एकताबद्ध प्रयासको आवश्यकता
श्रेष्ठले पार्टीका सम्पूर्ण तहका नेता-कार्यकर्तालाई संगठन बलियो बनाउन एकताबद्ध भएर अघि बढ्न आग्रह गरे। उनले भने, “सशक्त संगठन निर्माणका लागि केन्द्रदेखि स्थानीय तहसम्म स्पष्ट योजना आवश्यक छ। वार्षिक क्यालेन्डर बनाई सोहीअनुसार काम गर्न सके पार्टी झन् मजबुत बन्नेछ।”
उनले केन्द्र नेतृत्वलाई पार्टी गतिविधिहरूलाई व्यवस्थित, नियमित तथा प्रभावकारी बनाउन योजना निर्माणमा गम्भीर हुन आग्रह गरे। कार्यक्रमहरूलाई नियमित रूपमा सञ्चालन गर्दै संगठनलाई सुदृढ बनाउने उद्देश्यले जिल्ला तहमा लागू गरिएको जस्तै योजना केन्द्रले पनि बनाउनुपर्ने आवश्यकता औंल्याए। उनले भने, “जिल्लाले आफ्नो कार्यतालिका बनाई पार्टी गतिविधिलाई चलायमान बनाइरहेको छ। यदि केन्द्रले पनि निश्चित कार्ययोजनासहित अघि बढ्यो भने संगठन अझै सशक्त हुनेछ।”
उनका अनुसार पार्टीको गतिविधि निर्वाचनमुखी मात्र नभई जनतामुखी हुन आवश्यक छ। संगठन विस्तार, प्रशिक्षण, अन्तरक्रिया तथा जनसंपर्कलाई निरन्तरता दिनुपर्नेमा उनले जोड दिए। श्रेष्ठले पार्टीभित्र अनुशासन, एकता र नेतृत्व विकासका लागि निश्चित कार्ययोजना बनाएर अघि बढ्नुपर्ने आवश्यकता रहेको बताए।
सम्बन्धित खवर
